khawla
مشارك
عدد المشاركات : 15
نقاط : 48
السٌّمعَة : 0
تاريخ التسجيل : 13/12/2011
 |  موضوع: حوار مذيعة مع شاب 2050 ( أول موضوع لـي ) // بـقـلـ ـمي  2012-01-24, 19:08 | |
| حوار مذيعة مع شاب سنة 2050
المذيعه: واش اسمك؟
المواطن: أمين بارصاوي
المذيعه: احكى لنا شوية عن ايام زمان
المواطن: أحكى واش تحبي نحكيلك عن زمان ....والله هاما متفكرنيش بايام العز....ايام
الرخص...أيام الاحترام....
صحا انا مثلا نتفكر من حوالى 40 - 45 سنة هاكذا كان الواحد منا ياخد من ابوه
المصروف10او 15 الف وكانوا مايهدروش...ومايفتحش فمه...مش كيما هاذ
الوقت....الله يكون فى عوننا....انا نعقل ان عمرى ما ناقشت الشيباني الله يرحمه في
المصروف....
وقت كان الواحد كان محترم في لبسته كان الولد لابس البودي الكات
والسروال ديشيري
الجينز الديرتى المقطع و خلاص.....والبنت تلاقاها ماشية باحترامها
لابسة المينى جيب
والبودي الضيق او السروال الاستريتش و خلاص..
.بصح ذو ليام كيما راكي تشوفي ....مايتوصفش....اجارك الله
زمان المصاريف كانت محدودة ...في ايام كان كيلو اللحم(الخروف) كان بـ 65
الف وصايي....
كانت ايام....
وبعد زمان كانت البيبان تاع الديار تتقفل يعنى جوايه الساعة4الفجر هاكذا..وكان
الاحترام والوقار....يعنى ماتلقاش واحد يرفع صوته على ابوه
و لا يرفع ايده على امه....
غير لو زعفوه او بتداو معاه بالصوت العالى....
زمان كنا نراجعو على الاغانى الاصيلة.... ايام الاغانى
الاصيلة كيما ديرولها العقل...
.لكن اغانى اليوم هاذوماعندها لا طعم ولا لون و الكلمات بقت
وتخلاط و ما عندها حتى معنى....صحا قارني بين مغنيات زمان كيما الشابة و الريميتي و نجمة و زلاميت ....
لكن مغنيات تاع هادو ليم يعتمدو على لاطاي تاعهم على التمسخير....
وين ايام الفن الاصلي و جمهي فاميلي....
| |
|
Admin
أمير المنتدي
الجنس : 
عدد المشاركات : 310
نقاط : 659
السٌّمعَة : 1
تاريخ التسجيل : 05/12/2011
العمر : 32
 الموقع : العبادية ولاية عين الدفلي
| | موضوع: رد: حوار مذيعة مع شاب 2050 ( أول موضوع لـي ) // بـقـلـ ـمي 2012-01-24, 23:10 | |
| | |
|
